ROSARIO CON GIOVANNI PAOLO II

In nomine Patris et Filii et Spiritus Sancti. Amen.

Deus, in adiutorium meum intende.
Domine, ad adiuvandum me festina.

Gloria Patri et Filio et Spiritui Sancto.
Sicut erat in principio, et nunc et semper,
et in saecula saeculorum. Amen.

Mysteria doloris

1. Iesus in horto Gethsemani orat.
Iesus orabat dicens: «Pater, non mea voluntas sed tua fiat». (Lc 22,42)

(Pater noster, qui es in caelis:
sanctificetur nomen tuum;
adveniat regnum tuum;
fiat voluntas tua, sicut in caelo, et in terra.
Panem nostrum cotidianum da nobis hodie;
et dimitte nobis debita nostra,
sicut et nos dimittimus debitoribus nostris;
et ne nos inducas in tentationem;
sed libera nos a malo. Amen.

Ave Maria, gratia plena, Dominus tecum;
benedicta tu in mulieribus,
et benedictus fructus ventris tui, Iesus.
Sancta Maria, Mater Dei,
ora pro nobis peccatoribus
nunc et in hora mortis nostrae. Amen.

Gloria Patri et Filio et Spiritui Sancto.
Sicut erat in principio, et nunc et semper,
et in saecula saeculorum. Amen.)

2. Iesus flagellis caeditur.
Ecce ascendimus Hierosolymam, et Filius hominis tradetur, et illudent ei et conspuent eum et flagellabunt eum et interficient eum, et post tres dies resurget. (Mc 10,33-34)

3. Iesus spinis coronatur.
Exiit Iesus foras, portans spineam coronam et purpureum vestimentum. Et dicit eis Pilatus: «Ecce homo!». (Io 19,5)

4. Iesus cruce oneratus Calvariae locum adit.
Dicebat Iesus ad omnes: «Si quis vult post me venire, abneget semetipsum et tollat crucem suam cotidie et sequatur me». (Lc 9,23)

5. Iesus in cruce moritur.
Cum vidisset Iesus matrem et discipulum stantem, quem diligebat, dicit matri suae: «Mulier, ecce filius tuus». Deinde dicit discipulo: «Ecce mater tua». (Io 19,26-27)

Oremus.
Deus, cuius Unigenitus per vitam, mortem et resurrectionem suam nobis salutis aeternae praemia comparavit: concede, quaesumus, ut haec mysteria sacratissimo beatae Mariae Virginis Rosario recolentes, et imitemur quod continent, et quod promittunt assequamur. Per Christum Dominum nostrum. Amen.

Sit nomen Domini benedictum.
Ex hoc nunc et usque in saeculum.

Adiutorium nostrum in nomine Domini.
Qui fecit caelum et terram.

Benedicat vos omnipotens Deus, Pater, et Filius, et Spiritus Sanctus.
Amen.