ROSARIO CON GIOVANNI PAOLO II

In nomine Patris et Filii et Spiritus Sancti. Amen.

Deus, in adiutorium meum intende.
Domine, ad adiuvandum me festina.

Gloria Patri et Filio et Spiritui Sancto.
Sicut erat in principio, et nunc et semper,
et in saecula saeculorum. Amen.

Mysteria gloriae

1. Resurrectionis mysterium.
Iesus a mortuis resurgit.

(Pater noster, qui es in caelis:
sanctificetur nomen tuum;
adveniat regnum tuum;
fiat voluntas tua, sicut in caelo, et in terra.
Panem nostrum cotidianum da nobis hodie;
et dimitte nobis debita nostra,
sicut et nos dimittimus debitoribus nostris;
et ne nos inducas in tentationem;
sed libera nos a malo. Amen.

Ave Maria, gratia plena, Dominus tecum;
benedicta tu in mulieribus,
et benedictus fructus ventris tui, Iesus.
Sancta Maria, Mater Dei,
ora pro nobis peccatoribus
nunc et in hora mortis nostrae. Amen.

Gloria Patri et Filio et Spiritui Sancto.
Sicut erat in principio, et nunc et semper,
et in saecula saeculorum. Amen.)

2. Ascensionis mysterium.
Iesus caelos ad Patris gloriam ascendit.

3. Missionis Spiritus Sancti mysterium.
Spiritus Paraclitus supra discipulos descendit.

4. Assumptionis beatae Mariae Virginis mysterium.
Assumpta est Maria in caelum.

5. Glorificationis beatae Mariae Virginis mysterium.
Maria Virgo in caelis Regina coronatur.

Oremus.
Deus, cuius Unigenitus per vitam, mortem et resurrectionem suam nobis salutis aeternae praemia comparavit: concede, quaesumus, ut haec mysteria sacratissimo beatae Mariae Virginis Rosario recolentes, et imitemur quod continent, et quod promittunt assequamur. Per Christum Dominum nostrum. Amen.

Sit nomen Domini benedictum.
Ex hoc nunc et usque in saeculum.

Adiutorium nostrum in nomine Domini.
Qui fecit caelum et terram.

Benedicat vos omnipotens Deus, Pater, et Filius, et Spiritus Sanctus.
Amen.